Dokumenty wócyniś, kótarež su se składli w drugich formatach
Móžośo dokument, kótaryž jo se składł w drugem formaśe, tak wócyniś:
Wubjeŕśo Dataja – Wócyniś…
Wubjeŕśo format z lisćiny Datajowy typ.
Wubjeŕśo datajowe mě a klikniśo na Wócyniś.
Jolic pśecej cośo, až datajowe dialogi pó standarźe drugi format pokazuju, wubjeŕśo LibreOffice – NastajenjaRědy – Nastajenja… – Zacytaś/Składowaś – Powšykne a wubjeŕśo ten format we wobceŕku Nastajenja za standardny datajowy format a ODF.
Wšykne dokumenty zarědnika pśetwóriś
Wócyńśo asistent, kótaryž was pśez operaciju wjeźo, aby wšykne dokumenty z Microsoft Word, Microsoft Excel abo Microsoft PowerPoint do dokumentow datajowego formata OpenDocument kopěrował a pśetwórił. Móžośo žrědłowy a celowy zapis wubraś, pódaś, lěc se maju dokumenty a/abo pśedłogi pśetwórili a wěcej.
Wubjeŕśo datajowy typ „HTML-dokument“, aby jen w LibreOffice Writer/Web wócynił. To jo standard za dokumenty HTML w LibreOffice.
Wšykne móžnosći LibreOffice Writer/Web su wam něnto k dispoziciji, na pśikład Žrědłowy tekst HTML.
Wubjeŕśo „HTML-dokument (LibreOffice Writer)“, aby w LibreOffice Writer wócynił.
Wšykne móžnosći LibreOffice Writer su wam něnto k dispoziciji. Nic wšykne móžnosći, kótarež LibreOffice Writer za wobźěłowanje dokumentow bitujo, daju se w formaśe HTML składowaś.